04 August 2016
02:28 - Туркча мантиқ: Эрдўғон Италия ҳукуматига таҳдид қилди
Италиянинг RAI телеканалига интервью берган Туркия Президенти Ражаб Эрдўғон мазкур мамлакат полицияси тарафидан "пул ювиш"да айбланаётган ўғли масаласи мамлакатлар ўртасидаги алоқаларга таъсир қилишини айтди. "Агар менинг ўғлим бу вақтда Италияга қайтса ва ҳибсга олинса, бу Италия билан муносабатларимизда муаммолар келтириб чиқаради. Италия менинг ўғлимга эмас, мафияга эътиборини қаратиши керак ", деди Эрдўғон.

Эрдўғаннинг устидан кулган Италия бош вазири Маттео Ренци эса Италияда мустақил ҳуқуқий тизим мавжудлиги ва судьялар Туркия президенти олдида эмас, Италия конституцияси олдида жавоб беришларини айтибди.

Италиянинг Болонья шаҳри прокуратураси 18 февралда тадбиркор Мурат Ҳакан Ҳузаннинг аризаси асосида Эрдўғоннинг ўғли Билолга қарши иш қўзғатган. Унинг таъкидлашича, Эрдўғаннинг ўғли катта миқдордаги жиноий пулларни қонунийлаштириш мақсадида уларни Италияга олиб кирган. Билол Эрдўғон Жон Ҳопкинс университетининг бу ердаги филиалида докторлик даражасини олиш учун изланиш ишлари олиб бормоқда.

Расмда – ота-ўғил Ражаб ва Билол Эрдўғонлар.
« Олдинги хабар Хабарлар рўйхати Кейинги хабар »