30 July 2016
22:47 - Вашингтонда Марказий Осиё ташқи ишлар вазирлари ва АҚШ Давлат Котиби “С5+1” форматида йиғилишади
АҚШнинг Ўзбекистон, Қозоғистон, Қирғизистон, Туркманистондаги элчихоналарида Давлат Котибининг Марказий Осиё бўйича ёрдамчиси ўринбосари Дэниэл Розенблюм билан журналистлар иштирокида телеконференция ўтказилган. Розенблюмнинг конференцияда айтишича, шу йилнинг 3 август куни Марказий Осиё давлатлари ташқи ишлар вазирлари Вашингтонга йиғилишади ва “С5+1” формати доирасида АҚШ Давлат котиби Жон Керри билан мулоқот олиб боришади.

Эслатиб ўтамиз, ўтган йил ноябрь ойида Самарқанд шаҳрида Марказий Осиёнинг беш мамлакати ва АҚШ ўртасида Шериклик ва ҳамкорлик тўғрисида қўшма декларация қабул қилиниб, олти давлат ташқи сиёсат маҳкамалари ўртасида умум манфаатдор масалалар юзасидан мунтазам сиёсий мулоқот ўтказиш бўйича ўзаро ҳамкорликнинг янги формати – “С5+1”ни ташкил этиш маъқулланганди.

Расмда – 2015 йили “С5+1” форматида Самарқандда ўтказилган биринчи учрашув.
« Олдинги хабар Хабарлар рўйхати Кейинги хабар »