28 July 2016
19:49 - Боксчимиз Руслан Чагаев спортни бутунлай тарк этди
Мамлакатимиз тарихидаги энг номдор боксчимиз, WBA йўналишининг супер оғир вазни бўйича собиқ жаҳон чемпиони, 37 яшар Руслан Чагаев профессионал фаолиятини якунлади. Бу ҳақда унинг менежери Тимур Дугазаевга асосланиб Sportbox.Ru хабар берган. «Руслан бизга карьерасини якунлаши ҳақида маълум қилди. Бунга сабаб унинг кўзларидаги муаммодир. Соғлиқ ҳамиша биринчи ўринда бўлиши керак», — деган Дугазаев.

Руслан Чагаев 15 йил аввал чап кўзидаги муаммолар сабаб операция қилинганди. Шундан сўнг ҳам у бир неча марта чемпионлик камарларини қўлга киритиб, юртимизни дунёга танитган. 3 кун аввал эса, Бутунжаҳон Бокс Ассоциацияси (WBA) Чагаевни Окендога қарши жанг бўйича келишув бошламагани сабаб супероғир вазн тоифасининг WBA (Regular) чемпионлик камаридан маҳрум қилганини биз ҳам хабар қилган эдик.
« Олдинги хабар Хабарлар рўйхати Кейинги хабар »