12 April 2016
07:05 - Тожикистонда Ўзбекистон маданияти кунлари ўтказиш таклифи Тошкент тарафидан рад этилибди
Тожикларнинг мустақил Азия-Плюс хабар агентлигининг сайтида эълон қилинган хабарда айтилишича, шу йил 25 январда Тожикистон Маданият вазири Шамсиддин Орумбекзода бу йил ўз мамлакатида Ўзбекистон маданият кунлари ўтказилиши ҳақида журналистларга гапирган, бу ҳақда ўзбекистонлик ҳамкасби билан келишилгани ва 2017 йилда Ўзбекистонда Тожикистон маданият кунлари ўтказиш ҳам режалаштирилаётганини таъкидлаган экан.

Энди маълум бўлишича, Тожикистонда Ўзбекистон маданияти кунлари ўтказиш таклифига Тошкент ҳеч қандай жавоб бермаган эмиш. Табиий, бу – таклифни феълан рад этиш демакдир. Таклиф рад этилгани ҳақида Тожикистонда расмий хабарлар берилмабди, аммо шундай бўлганини Азия-Плюс ўзининг ҳукумат ичидаги манбаларидан ўрганибди.

Бу хабардан тушуниш мумкики, дейди мухбиримиз, икки тожик - Ислом Карим ва Имомали Раҳмон - ҳали ҳам умумий тил тополмадилар, ўзаро душманлик давом этмоқда. Икки мамлакат вазирлари маданият кунлари ўтказиш ҳақида шунчаки, умумий шаклда гаплашишган, тожикларнинг содда вазири буни жиддий қабул қилганга ўхшайди.
« Олдинги хабар Хабарлар рўйхати Кейинги хабар »