20 January 2016
16:09 - Покистонда навбатдаги исломий террористик ҳужум натижасида 40 дан ортиқ киши ҳалок бўлди
Бу мамлакатнинг Афғонистон чегарасига яқин Хайбер-Пахтунхва вилолятининг Чарсадда шаҳридаги Бача Хон университетига бугун эрталаб ҳужум қилган Толибон жагарилари қўлларидаги Калашников автоматлари билан тўғри келган одамни ўлдирабошладилар, дейилади Reutrs агентлигининг хабарида. Университетнинг хавфсизлик хизмати ходимлари билан жангарилар ўртасида ҳақиқий жанг бўлган, тезда бу ерга ҳукуматнинг хавфсизли кучлари ҳам етиб келган. Университет ўқувчилари, ўқитувчилари, хавфсизлик хизмати ходилари ва жангарилардан 19 киши ҳалок бўлган, тўғрироғи, ҳозиргача 19 жасад топилгани хабарларда айтилмоқда. Уларнинг ичида 4 та жангарининг жасади ҳам бор. Расмийларга кўра, ҳалок бўлганларнинг сони 40 дан кўп бўлиши кутилмоқда.

Бу ҳужумни Толибоннинг таниқли командирларидан бири бўлган Умар Мансур уюштиргани Толибон тарафидан эълон қилинди. Айнан шу Умар Мансурнинг одамлари 2014 йилнинг декабрь ойида шу вилоятдаги мактабларидан бирига ҳужум қилиб, 100 дан ортиқ одамни ўлдирган эдилар.

Бугун ҳужум нишони бўлган университет Толибонга қарши кураш олиб бораётган ҳукумат тарафдори бўлгани сабабли, Толибон айнан шу ўқув юртини нишонга олибди. Бунингустига, айнан бугун шу Университетга номи берилган Абдул Ғаффор Хоннинг ўлим кунини ҳар йили каби нишонланлаш тадбирлари режалаштирилган экан.

Университет талабаларининг сони 3 минг бўлиб, девор билан ўралган талабалар шаҳарчасига юқорида номи тилга олинган тадбирда иштирок этиш учун 600 меҳмон ҳам келганлиги ҳам айтилмоқда.

Расмда: Террористларни йўқ қилиш учун Университет шаҳарчасига етиб келган хавфсизлик кучларининг бир гуруҳи.
« Олдинги хабар Хабарлар рўйхати Кейинги хабар »