01 April 2015
07:42 - Истанбулда сўлчи террористлар гаровга олинган прокурорни ўлдирдилар, бундай воқеа Андижонда ҳам бўлганди
Аввал тарқатилган хабаримиздан маълумки, Туркияда яширин фаолият олиб бораётган сўлчиларнинг DHKP-C номи билан танилган гуруҳининг қуролли аъзолари кеча эрталаб Истанбулнинг Чоғлаён тумани Адлия бўлимига ҳужум қилиб, Маҳмет Селим Кираз исмли прокурорни гаровга олишган эди. Уларнинг талаби - шу прокурар тарафидан 2 ойдан бери олиб борилаётган DHKP-C гуруҳи аъзоси Беркин Элман билан боғлиқ жиноий иш бўйича эканлиги ҳам айтилганди.

Энди аниқланишича, Беркин Элман 2 ой аввал кўчада ўлдирилган ва сўлчиларга кўра, қотиллар полиция ходимлари бўлган. Террористларнинг талаби эса шундай экан – қотилликда гумон қилинаётган полиция ходимлари ТВ экранлари орқали ўз айбларнинг тан олсинлар.

Террористлар билан кечгача олиб борилган музокаралар натижа бермабди. Кейин, улар прокурорни ушлаб турган хонада ўқ овозлари эшитилгач, хавфсизлик хизмати ходимлари аввалдан тайёрлаб қўйилган портловчи моддалар ёрдамида деворни портлатиб, ичкарига киришган ва бу ердаги 2 террористни (улар расмда) ўлдиришган. Улар прокурорнинг бошига 4 та, танасига 2 та ўқ отиб бўлишган экан. Касалхонага олиб борилган ппрокурор ўша ерда ўлибди.

Жойи келгани учун эслатиш керакки, 10 йил аввал акромий террористлар айнан шу шаклда Андижон шаҳар прокурорини гаровга олиб, кейин ўлдирган эдилар.
« Олдинги хабар Хабарлар рўйхати Кейинги хабар »