26 March 2015
00:31 - Сурияда Башар Асадга қарши бўлган исломчи гуруҳлар Босра шаҳрини қўлга киритишди
Рейтер ахборот агентлиги хабарига кўра, Сурияда ҳукуматига қарши курашаётган жангари гуруҳлар Иорданияга чегарадош ҳудуддаги Босра шаҳрини эгаллаб олишди. Суриядаги инсон ҳуқуқлари бўйича кузатувчилар Кенгаши бу хусусда баёнот тарқатиб, шаҳарни эгаллаш учун томонлар ўртасида 4 кун кураш кечганини таъкидлади.

Мазкур шаҳар ЮНЕСКОнинг Жаҳон маданий ёдгорликлари рўйхатига киритилган қадимий цивилизация марказларидан бири эди. Шаҳар тарихда дастлаб Рим империясига бўйсунган. Кейинчалик Форслар, Сосонийлар ва Араб халифалиги ҳукми остида бўлган. Эҳтимол, шаҳар эртами кеч коалция кучлари ёки Башар Асад кучлари тарафидан озод қилинар, аммо бу ердаги инсониятнинг маънавий бойликлари жангарилар томонидан йўқ қилиниши мумкин.
« Олдинги хабар Хабарлар рўйхати Кейинги хабар »