21 March 2015
20:23 - Тбилисида Саакашвили тарафдорларининг буюк митинги: Ҳукуматнинг истеъфосини талаб қиламиз!
Бугун тушдан кейин Тбилиси марказидаги Озодлик майдонида Гуржистоннинг собиқ президенти Михаил Саакашвили раҳбарлигидаги Умуммиллий Ҳаракат Партияси, русларнинг қўғирчоғи Бдзина Иванишвили 2012 йилнинг охирида феълан Гуржистон ҳукмдорига айлангандан бери биринчи марта борлигини кўрсатиб, 50 минг кишилик митинг ўтказди. Митингнинг асосий талаби: “Мавжуд ҳукумат истеъфога кетсин!”.

Бир йилчадан бери Украинада яшаётган, аммо шу кунларда Брюсселда бўлган Михаил Саакашвили ўша ердан туриб митингчиларга Озодлик майдонида ўрнатилган мониторинг орқали мурожаат қилди. Мана унинг базибир сўзлари: “Биз 2003 йили биргалашиб Гуржистонни жаҳаннамдан қутқардик. Ҳамма нарса шу майдонда бошланган эди. Биз яна шу ердамиз, мақсадимиз, минг афсуски, яна ўша-ўша. Бизни 90-чи йилларнинг зўравонлик даврига қайтаришди... Мен Гуржистонда эмас, Брюсселдаман, аммо ўзимни Гуржистонда бўлгандек ҳис қилмоқдаман. Менинг ҳаётим сизларга ва ватанимга бағишланган... Иванишвилининг ёлғонлари энди фойдасиз. Мавжуд ҳукумат халқнинг ишончини йўқотди, у кетиши керак.”

Митинг қатнашчилари бу каби намойишларни бутун мамалакат бўйлаб давом эттиришга келишдилар.
« Олдинги хабар Хабарлар рўйхати Кейинги хабар »