13 March 2015
23:49 - Ўзбек ҳукуматининг аянчли иқрори: “Қулликка солинган ўзбек мигрантларнинг тана аъзолари сотилмоқда”
Кечаги “Оила даврасида” газетаси хорижга ишлаш учун бориб, одам савдоси қурбони бўлаётган мигрантларимиз билан боғлиқ фожиали ҳолатларга тўхталди. Хусусан, Ўзбекистон Ташқи меҳнат миграцияси масалалари агентлиги шўъба мудири Зулфия Нуримова мигрантларимизнинг тана аъзосидан трансплантация операцияларида донор сифатида фойдаланиш ҳолатлари учраётганини таъкидлаган. Агентлик расмийси аёлларимизнинг фоҳиша қилинаётгани, жинсий эскпулатациясига оид воқеаларнинг кўплаб учраётганини эътироф этган.

“Ўзбекистон фуқаролари хусусий меҳнат контрактлари бўйича фақат Ташқи меҳнат миграцияси масалалари агентлиги томонидан бериладиган рухсатномалар асосида чет элда меҳнат қилиши мумкин”, дейди З.Нуримова. У ўз сўзида моҳиятан Ўзбекистон ҳукуматининг “Бирлик” кўрсатган йўлни тан олишдан бошқа имкони қолмаётганига иқрорлигини билдиради.

Газета маълумотига кўра, 2007 йилдан буён агентлик орқали биргина Жанубий Кореяга 20 минг нафардан ортиқ Ўзбекистон фуқароси ишлаш учун юборилган. Россия ва Қозоғистонда эса бу миқдор бир неча миллионни ташкил қилади.
« Олдинги хабар Хабарлар рўйхати Кейинги хабар »