20 February 2015
23:16 - Террорчилар туфайли етказилган зарарни террористларнинг ўзига қоплатишмоқчи
Бугун Олий Мажлиснинг Қонунчилик палатаси депутатлари “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонун лойиҳаларидан бирини кўриб чиқдилар. Мазкур қонун кучга кирса, Ўзбекистон Республикаси Фуқаролик Кодекси ва “Терроризм билан курашиш тўғрисида”ги Қонуннинг аксилтеррор операцияларини ўтказишда жисмоний ва юридик шахслар мулкига етказилган зарарни қоплаш масаласига ойдинлик киритилади. Масалан, аксилтеррор операцияси оқибатида юридик ва жисмоний шахсга келтирилган зарар давлат томонидан қопланади.

Аммо депутатлар аксилтеррорчиларнинг қилмиши туфайли давлат зарар кўришини хоҳлашмаяпти. Тўғри, аксилтеррор операцияларини ўтказиш натижасида жабрланган шахсларга етказилган зарарни аввал давлатнинг ўзи қоплайди. Аммо, кейин, зарарни қоплашга кетган маблағни давлат террорчилардан ундириб олади.
« Олдинги хабар Хабарлар рўйхати Кейинги хабар »