15 February 2015
07:21 - Донбасда ўқ отишни тўхтатиш келишуви кучга кирди, аммо ўқ отиш тўхтамади, тўхтамайди ҳам
Минскда қабул қилинган келишувга мувофиқ, бугун ярим кечасидан эътиборан Донбасда ўқ отишни тўхтатиш келишуви кучга кирди. Мана орадан бир неча соат вақт ўтди, икки тараф ҳам қарши таарфни ўт очишни давом эттиришда айбламоқда. Икки тараф деганда Украина ва Россия назарда тутилаётганини тушуниш керак.

Ўтган йили сентябрдаги келишув фойдасиз бўлганди. Ҳозир ҳам шундай бўлса керак. Чунки, Украина Донбасга ҳеч қандай федератив мақом ҳам бермоқчи эмас, Луганск ва Донецкдаги Россия назорати остидаги кучлар эса, бу икки вилоятни мустақил давлатлар деб эълон қилиб бўлишган ва бундан воз кечмасликларини тўхтамасдан қайтариб келмоқдалар.

Бунинг устига Украинадаги “Ўнг қанот” номли сиёсий оқимнинг назорати остидаги қуролли кучлар Луганск ва Донецк тўла Украина таркибига қайтмагунча ноқонуний тараф билан ҳеч қандан келишувларни тан олмасликларини эълон қилмоқдалар.

Бугун “Норманидия тўртлиги” лидерлари ўт очишни тўхтатиш ҳақидаги келишув қандай бажарилаётгани хусусида телефон орқали гаплашмоқчилар
« Олдинги хабар Хабарлар рўйхати Кейинги хабар »