13 February 2015
19:07 - Яхши хабар: Қорақалпоғистонда цемент заводи қурилмоқда
Маҳаллий матбуот воситалари хабарига кўра, Қорақалпоғистонда йилига 400 минг тонна цемент ишлаб чиқариш қувватига эга янги завод қурилади. Заводнинг 2016 йилда фойдаланишга топширилиши кўзда тутилган. “Қорақалпоқцемент” МЧЖ деб номланган мазкур лойиҳа 2015 йилга мўлжалланган давлат Дастурига киритилди.

Дастурга мувофиқ, дейилади хабарларда, лойиҳа 2015-2016 йиллар давомида амалга оширилади. Мазкур завод йилига 400 минг тонна цемент ишлаб чиқариш қувватига эга. Лойиҳа учун 2015 йилда 3,8 миллиард сўм миқдорида маблағ ўзлаштирилиши режалаштирилган бўлиб, шундан 0,3 миллиард сўм қурилиш-монтаж ишларига сарфланади.
« Олдинги хабар Хабарлар рўйхати Кейинги хабар »