13 February 2015
18:35 - Ўзбекистон олтин қазиб чиқаришда еттинчи ўринга кўтарилди
Аммо иқтисодиёти аллақачон боши берк кўчага кирган, давлат бошқаруви инқирозга юз тутган мамлакатимизнинг олтин қазиб чиқариш ҳажми ўсганидан фойда борми, дейди мухбиримиз. Масалан, ўтган йили мамлакатда 102 тонна олтин қазиб олинган, бироқ иқтисодда бир қадам ҳам силжиш бўлгани йўқ. Шундай бўлса-да, Gold United States Geological Survey ширкатининг ҳисоботи эътиборга молик. Эндиликда йилига 450 тонна тилла қазиб олаётган Хитой олдинга чиқибди.

Кейинги ўринларни 270 тонна олтин қазиб олган Австралия, 245 тонна олтин қазиб олган Россия эгаллаган. Мамлакатимиз эса рўйхатда Канада (160 тонна), Жанубий Африка Республикаси ва Перу (150 тонна)дан кейинги ўринда турибди.

Ширкат тадқиқотларига кўра, олтин қазиб олишнинг ўсиши асосан Хитой, Россия, Канада, Австралия ва Доминикан Республикасида кузатилган. Перу, Танзания, Жанубий Африка ва АҚШда эса, аксинча, пасайган.
« Олдинги хабар Хабарлар рўйхати Кейинги хабар »