07 February 2015
11:34 - Нью-Йорк фондлар биржаси бир ойлик тушишни бир ҳафтада тиклади
Биржанинг асосий кўрсатгичи Dow Jones индекси ўтган йилнинг охирги кунлари тарихий рекорд қўйиб 18103 чиққач, январь ойида зиг-загли тушиш кўрсатиб, 31 январь куни 17165 да тўхтаган эди. Жорийдаги ҳафтанинг биринчи 4 куни Dow Jones фақат юқорига сакраб борди, жума куни бироз (60 поғона) тушиш бўлган бўлса ҳам, биржа бекилганда 17824 га тенг эди. Яъни, ҳафталик ўсиш 659.

Шундай қилиб, Dow Jones индекси тарихий рекорд даражасига етиб бормаган бўлса ҳам, у ўзини тиклаб олганини гапириш мумкин. Бу эса, АҚШ иқтисоди кризисдан чиқиб бўлганининг кўрсатгичи, айнан АҚШнинг кучли иқтисоди жаҳон иқтисодини қутқариб қолишига ишончимизнинг исботидир.

Шу тенденцияларни ҳисобга олиб, ўзбеклар Dow Jones каби қўл билан ушлаб, кўз билан кўриб бўлмайдиган индекслар билан яшашга ўрганишлари керак. Ўзбекистоннинг ҳозирги раҳбарлари бундай нарсларни мутлақо тушунмайдилар ҳам. Ҳалигача Тошкент фондлар бозорида қимматли қоғозлар сотиш йўлга қўйилмаган. Қолаверса, давлатнинг ҳамма кўзга кўринган компаниялари давлатнинг қўлида, акция деган нарса феълан бизда йўқ ҳисоб. Тошкент фондлар бозори асосан валюта сотиш билан шуғулланади, у ерда Dow Jones каби индекснинг ўзи ҳам киритилмаган.

Яъни, бир оғиз сўз билан айтсак, Ўзбекистонда ҳали ҳам бозор иқтисодиётининг ўзи йўқ, демак, Ўзбекистоннинг келажаги йўқ. Ўзбек халқи эса, бундай нарсларни билмайди ҳам, қизиқмайди ҳам. Ишимиз оғир. Инқилобий ўзгаришлар бўлмаса, ўзбеклар қозоқларнинг мардикорлари бўлишга маҳкумлар. Инқилобий ўзгаришлар “Бирлик” Партияси ҳокимиятга келгандан кейин бўлади.
« Олдинги хабар Хабарлар рўйхати Кейинги хабар »