07 February 2015
10:08 - Путиннинг Олланд ва Меркел билан учрашуви мазмунли ўтибди, аммо натижалими?
Пайшанба куни Франция ва Германия лидерлари Франсуа Олланд ва ва Ангела Маркел Украинадаги кризисдан чиқишнинг янги “тинчлик дастури”ни Киевда Украина Президенти Петр Порошенко тақдим этишган ва биргаликда уни муҳокама қилишган эди. “Тинчлик дастури” нимадан иборат эканлиги эълон қилинмади.

Кеча жума куни Олланд ва Меркел “тинчлик дастури”ни Москвада Россия Президенти Владимир Путинга тақдим этиб, уни биргаликда муҳокама қилдилар. Учрашувга доир русларнинг расмий хабарларида “учрашув мазмунли” бўлгани, учрашувга доир ҳужжат имзоланиши мумкинлиги айтилади. Олланд ва Меркел учрашув битиши биланоқ ўз мамлакатларига қайтиб кетдилар.

Бу уч лидер якшанба куни телеконференция форматида учрашувни давом эттириши, “Нормандия тўртлиги” - Франсуа Олланд, Ангела Маркел, Владимир Путин ва Петр Порошенко - телефон орқали учрашув ўтказиши эълон қилинди.

АҚШ расмийлари “тинчлик дастури” Обаманинг иштирокисиз тайёрланганини айтиш билан бир қаторда АҚШ Президенти Олланд ва Меркел билан доимий алоқада эканлигини урғуладилар. Демак, “тинчлик дастури”да АҚШнинг ҳам қўли бор.

Бу учрашувлар натижасида қандайдир муҳим ҳужжат имзоланиши мумкин. Аммо, у ҳам Минск шартномаси каби қоғозда қолиб кетишининг эҳтимоллиги катта. У ҳолда Донбасда уруш давом этавради.
« Олдинги хабар Хабарлар рўйхати Кейинги хабар »