05 February 2015
19:32 - Ўзбекистонда янги вазирлик ташкил этилди
Президент Ислом Каримнинг бугун матбуотда эълон қилинган фармонига асосан, Ахборот технологиялари ва коммуникацияларини ривожлантириш вазирлиги ташкил этилди. Мазкур вазирлик Ўзбекистон Алоқа, ахборотлаштириш ва телекоммуникация технологиялари давлат қўмитаси негизида ташкил этилган.

Алоқа, ахборотлаштириш ва телекоммуникация технологиялари давлат қўмитасининг ўзи 2012 йил 16 октябрида Алоқа ва ахборотлаштириш агентлиги негизида ташкил этилганди. Агентлик эса, ўз навбатида, 2002 йили Почта ва телекоммуникациялар агентлиги негизида, ушбу агентлик эса 1997 йили Алоқа вазирлиги негизида ташкил этилган. Алоқа вазирлигининг ўзи 1992 йилда ташкил этилган. Ўша вазирлик қайта тикланди, дейиш мумкин.
« Олдинги хабар Хабарлар рўйхати Кейинги хабар »