20 January 2015
09:47 - Самарқандда ногиронликни белгилаш комиссияси раиси 5 йилга қамалди
“Ҳуқуқ” газетасига кўра, Самарқанд вилояти Пайариқ тумани тиббий меҳнат экспертизаси раиси Толибжон Жўраев Ўзбекистон Республикаси ЖКнинг 210-моддаси (Пора олиш) билан судланиб, 5 йилга озодликдан маҳрум қилинди. Жиноят ишига кўра, Жўраев оғир касалликдан кейин биринчи гуруҳ ногирони бўлиб қолган фуқаронинг яқинларидан ногиронлик муддатини узайтириш эвазига 800 минг сўм пора талаб қилган.

Туман МХХ ва Самарқанд вилояти прокуратураси қошидаги Департамент тезкор вакиллари уюштирган операция пайтида қўлга олинган Жўраев умумий тартибдаги колонияларда жазо муддатини ўтайди. У қамоқдан ташқари 3 йил муддатга мансабдорликда ишлаш ҳуқуқидан ҳам маҳрум қилинган.
« Олдинги хабар Хабарлар рўйхати Кейинги хабар »