19 January 2015
21:45 - Бозорга яна ўт кетди
Пойтахтдаги йирик “Бек-Барака” бозорига ўт кетди. Маълум бўлишича, ёнғин бозор яқинидаги пластмасса буюмлар ишлаб чиқарувчи цехда кеча, 18 январда содир бўлган. У бозорнинг асосий қисмига ўтмасдан ўчирилган. Тошкент вилояти Ёнғин хавфсизлиги бошқармаси навбатчилик қисми ёнғинннинг 12:58 да бошлангани қайд этилган. Воқеа шоҳидларига кўра, ёнғинни ўчириш ишида жами 10 та ўт ўчириш машинаси иштирок этган.

Дастлабки маълумотларга кўра, ёнғин электр симдаги қисқа туташувдан келиб чиққан. Ёнғин натижасида 80 квадрат метр жой ёниб кетган; ҳодиса натижасида ҳалок бўлганлар ва жабрланганлар йўқ, дейилади маҳаллий матбуот хабарларида.

Тъакидлаш керак, “Бек-Барака” бозори 2011 йилда иш бошлаган бўлиб, умумий савдо майдони 6,5 гектарни ташкил этади. Бу бозорга туташ чинни бозорида ўтган йили содир бўлган ёнғин пойтахт бозорлари тарихидаги энг йирик фалокат бўлган эди.
« Олдинги хабар Хабарлар рўйхати Кейинги хабар »