12 January 2015
22:33 - Даҳшат: Турклар руслашмоқдами?
Даҳшат: Турклар руслашмоқдами?

Кўп ароқ ичгандан кейин совуқни сезмасдан, уйқуси келиб қолган жойда қор устига ётиб олган ва эраси эрталаб катта муз ҳолида топилган руслар ҳақида ҳатто шу кунларда ҳам сал кам ҳар куни хабарлар чиқиб туради. Бунга ортиқча ҳайрон бўладиганлар ҳам йўқ.

Аммо, Туркияда шунга ўхшаш воқеа юз бергани ростакам даҳшатдир.

Бу мамлакатдаги энг катта ва обрўли “Миллиёт” газетаси хабар беришича, Истанбулдан ўтадиган Султонбейли автобан ёнидаги бўш жойда одамлар бир кишининг жасадини кўриб қолиб, полицияга хабар беришибди. Дарҳол бу ерга етиб келган полиция ходимлари яхлаб ётган йигитнинг чўнтагидан гувоҳнома топишган. Бу йигитнинг исми Салмон Кўкпинар экан.

У жуда кўп миқдорда наркотик моддали суюқлик ичиб, совуқни ҳам сезмай қилгани ва шу сабабли шу ерда ухлаб қолгани аввал полиция, кейин докторлар тарафидан тасдиқланибди. Жасаднинг ёнида топилган шиша идишда ўша суюқликнинг қолдиқлари ҳам бор экан.
« Олдинги хабар Хабарлар рўйхати Кейинги хабар »