10 January 2015
19:14 - Нью-Йорк фондлар бозори сапчиб тикланди, кейин яна бир оз тушди
6 январдаги хабаримизда Нью-Йорк фондлар бозорининг асосий кўрсатгичи ҳисобланадиган Dow Jones индекси 331 поғoнага ўпирилиб тушганини билдирар экан, бундай тушиш учун жиддий сабаб бўлмагани ва у тезда тикланишини ёзган эдик. Тўғри, 6 январда ҳам тушиш давом этди, аммо кейин, башорат қилганимиздек, 2 кун ичида Dow Jones индекси 17900 га чиқиб, тикланди ҳисоб. Аммо, кеча, яъни жорийдаги ҳафтанинг охирги иш куни у яна тушди – 170 поғанага. Энди у 17737 га тенг.

Ўтган йилнинг сўнги кунлари Dow Jones индекси тарихий рекордларни уриб, 18103 га ҳам чиққанди. Аммо, тахмин қилиш керакки, яқин ойларда, балки, яқин йилларда, бу индекс 18 минг атрофида ўйнаб туради. Озгина, яъни 1 фоиз атрофида чиқиш-тушишлар ҳар доим бўлиб турган ва бўлади. Муҳим бўлгани, АҚШ иқтисоди кризисдан чиқиб бўлгани. Бу нарса бутун дунёга ижобий таъсир қилиши ҳам муқаррар. Табиий, санкциялар остида қолган Россия ва унинг Ўзбекистон каби қўғрчоқларидан ташқари.
« Олдинги хабар Хабарлар рўйхати Кейинги хабар »