10 January 2015
08:13 - Франция мотамда, эртага Парижда террористик ҳужумларга қарши бирлик митинги бўлади
7 январда ака-ука Шериф ва Саид Коуашилар Муҳаммад паёғамбарнинг ҳажвиявий расмларини чоп этишни ҳам одат қилган Charlie Hebdo номли ҳажвия газетанинг офисига қилган ҳужумлари натижасида 12 киши ҳалок бўлганди. Кеча уларнинг йўқ қилиш учун французлар куч ишлатар органларнинг 90 минг кишилик қуролли гуруҳларини жалб қилиб, қотилларни ушлаш учун кенг кўламли операция бошладилар ва кеча уларни Париждан 50 км узоқдаги бир шаҳарчада топиб, у ерни қуршовга олдилар.

Қуршов пайтида BFM-TV телеканалининг журналисти билан телефонда гаплашан Саид Коуаши укаси Шериф билан бирга Ал Қоиданинг Яман бўлими тарафидан молиявий ёрдам олганларини, айнан унинг топшириғи билан Муҳаммад пайғамбарнининг ҳажвия расмларини чиқарган Charlie Hebdo газетасидан ўч олганларини гапирган.

Айнан ўша соатларда, Амеди Кулибали исмли бошқа бир террорист Париж чеккасидаги яҳудийларнинг кошер (ҳалол) дўконига ҳужум қилиб, дўкон ичидагиларни гаровга олди ва қуршовга олинган Шериф ва Саид Коуашиларниннг озод қилинишини талаб қилиш билан бир қаторда, BFM-TV телеканалининг журналисти билан телефонда гаплашиб, филистинликларни ҳимоя қилиш мақсадида яҳудийларни нишонга олгани айтди.

Франция Президенти Франсуа Олланд бу икки ерда баравар ҳужум бошлашни буюрди, Шериф ва Саид Коуашилар ҳамда Амеди Кулибали ўлдирилди. Франция расмийларининг айтишича, Амеди Кулибали ҳали ҳужум бошланмасданоқ, гаровга олинганлардан 4 кишини ўлдирган, 4 нафарини ярадор қиган.

Шуни алоҳида таъкдлаш керакки, Амеди Кулибалининг ҳужуми яҳудийларга қарши уюштирилгани Францияда бўлган қонли воқеаларга янги ранг берди – бу антисемитизм ранги. Демак, Ислом терроризмига қарши Ғарбнинг кураши ҳам янги ранг олишини гапириш мумкин.

Эртага, якшанба куни Парижда террористик ҳужумларга қарши бирлик митинги бўлади. Митингда Франция Президенти Франсуа Олланднинг ўзи қатнашиши эълон қилинар-қилинмас, Германия канцлери Ангела Меркел, Украина Президенти Петр Порошенко, Буюкбритания, Италия, Испания бош вазирлари Дэвид Кэмерон, Матео Рензи, Мариано Рахой митингга келишларини билдирдилар. Еврокомиссия раиси (феълан ЕИнинг бош вазири) Жан-Клод Юнкер ҳам шу ерда бўлади. АҚШ Президенти Барак Обама ўзи ва бутун америкаликлар руҳан митингда французлар билан бирга бўлишларини айтди.
« Олдинги хабар Хабарлар рўйхати Кейинги хабар »