31 December 2014
02:09 - Навальний Путинга кучини кўрсатди: Унинг тарафдорлари Москва марказида рухсатсиз митинг ўтказдилар
Кеча эрталаб Москва шаҳар судларидан бири таниқли мухолифатчи, кейинги президент сайловларда Путинга рақиб бўла олиши иддао қилинаётган Алексей Навльнийга 3,5 йил шартли жазо берган эди. Бундай ҳукмдан норози бўлган Навальнийнинг тарафдорлари кечқурун Москванинг қоқ марказидаги Манежний майдонига йиғила бошладилар.

Полиция одамларни майдонга киритмасликга ҳаракат қилди, бўлмади. Полиция расмийларининг айтишича, майдонга 1,5 минг одам тўпланди. Шубҳасиз, полиция митинг қатнашчиларининг сонини камайтириб кўрсатган.

Шундан кейин митинчиларни ушлаб кетишга бошлашди. Уларни полиция бўлимларида расмиятчилик учун сўроқ қилиб, кейин қўйиб юборишган. Навальнийнинг ўзи ҳам митингга келаётганда полиця уни мажбурлаб уйига қайтариб обориб қўйибди.

Ҳозирги шароитда, яъни Россияда ҳар қандай мухолифатчига халқ душмани, АҚШ агенти сифатида қараш россияликлар миясига қуйиб бўлган бир пайтда Москванинг қоқ марказига шунча одамнинг рухсатсиз митингга тўпланиши – Навльнийнинг Путин устидан ғалабасидир.
« Олдинги хабар Хабарлар рўйхати Кейинги хабар »