29 December 2014
19:24 - Чақалоғини ташлаб кетган ҳамюртимиз Россияда ҳибсга олинди
Россия Федерациясининг Красногвардия тумани суди ўзбекистонлик 24 яшар Гулшода Ғозиевани ҳибсга олишга санкция берди. Тирикчилик учун бу мамлакатга келган ҳамюртимиз Петергоф шоссесидаги ресторатларнинг бирида туққан ва чақалоғини Маршал Блюхер проспектидаги хиёбонлардан бирида қолдириб кетган. Хиёбон хизматчилари чақалоқни тегишли муассасаларга етказиб, унга биринчи тиббий ёрдам кўрсатишган.

Ўзбекистон фуқаросига нисбатан Россия Федерацияси ЖКнинг 125-моддаси билан жиноят иши қўзғатилиб, у тергов изоляторига жойлаштирилган. Аянчли масаланинг моҳиятига эътибор қаратилса, тирикчилик важидаги муштипар аёлнинг Ўзбекистондан кетиши ва ўзга юртда туғиши, боз устига, ўз боласини кўчага ташлаб кетиши ортидаги асосий сабаб - Ўзбекистондаги иқтисодий инқироздир, дейди мухбиримиз.
« Олдинги хабар Хабарлар рўйхати Кейинги хабар »