25 December 2014
01:08 - Ўзбекистон ва Қозоғистон ўртасида визасиз режим муддати узайтирилди
Аслида ҳам шундай бўлиши керак эди, дейди бу ҳақдаги хабарни шарҳлаган мухбиримиз. Қозоғистон парламенти томонидан “Қозоғистон Республикаси Ҳукумати ва Ўзбекистон Республикаси Ҳукумати ўртасидаги фуқароларнинг ўзаро келиб-кетиш шартлари ҳақидаги 2000 йил 7 июлда имзоланган битимга ўзгартириш ва қўшимчалар киритиш тўғрисидаги протоколни ратификация қилиш ҳақида”ги қонун маъқулланди.

Унга кўра, шартнома иловасида Ўзбекистон ва Қозоғистон фуқаролари учун иккала мамлакатга кириш, чиқиш ва бўлиб туриш тартиби ва бунинг учун керакли ҳужжатлар рўйхати келтирилган. Хусусан, Ўзбекистон ушбу рўйхатга янги ҳужжатлар – Ўзбекистон фуқаросининг биометрик паспорти ва дипломатик паспорт, 16 ёшли тўлмаган Ўзбекистон фуқаросининг гувоҳномаси ва қайтиш сертификатини киритишни таклиф қилган, дейилади хабарларда.

1994 йилдаёқ “Абадий дўстлик шартномаси”ни имзолаган Марказий Осиё мамлакатлари раҳбарлари кейинги йилларда бу аҳдлашувга амал қилишмади. Масалан, ҳозирда Ўзбекистон билан Туркманистон ва Тожикистон ўртасида виза тартиби ўрнатилган.
« Олдинги хабар Хабарлар рўйхати Кейинги хабар »