23 December 2014
17:42 - Жаҳон Банкининг Ўзбекистон ваколатхонасига янги раҳбар тайинланди
Жаҳон Банкининг Ўзбекистондаги ваколатхонасига жаноб Жунгхун Чо раҳбар этиб тайинланди. У билан дастлабки расмий учрашув Ўзбекистон Иқтисодиёт вазирлигида ўтибди. Ўзбекистондаги ваколатхонани сўнгги тўрт йил давомида бошқарган Такуя Камата эса бошқа мамлакатлардан биридаги ваколатхонага юборилган.

Шуни алоҳида айтиш керакки, ўз фаолияти даврида Ўзбекистон ҳукуматининг ялоқхўрларидан бирига айланиб улгурган жанб Камата ҳуқуқ ҳимоячиларини ваколатхонадан салкам ҳайдаб чиқаришгача бориб етганди.

Дунёнинг энг муҳим сиёсий ва молиявий институтларидан бири бўлган Жаҳон Банки ўз фаолиятида демократия ва инсон ҳуқуқлари принципларига таяниши ҳақида гапириб келади. Бу ҳам табиий, чунки, бу банк Ғарбнинг назорати остидаги муассаса. Кўрамиз, янги бошлиқ Жунгхун Чо қандай йўл тутаркин?
« Олдинги хабар Хабарлар рўйхати Кейинги хабар »