20 декабрдаги хабаримиздан маълумки, Украина Президенти Петр Порошено 18 декабрь куни Олий Радага Украинанинг блокларга қўшилмаслик принципини тасдиқловчи қонунларга ўзгартиришлар киритувчи қонун лойиҳасини киритган эди. Бугун Олий Рада бу қонунни тасдиқлади. Шундай қилиб, энди Украина ҳарбий-сиёсий иттифоқларга қўшилиш ҳаққига эга бўлди.

Украинанинг мақсади келажакда Европа Иттифоқи ва НАТОга аъзо бўлиш. ЕИ ҳарбий-сиёсий иттифоқ эмас, Украина унга кириш ҳаққига ҳозир ҳам эга. Аммо, НАТО ҳарбий-сиёсий иттифоқ, Украина унга киролмас эди. Аввалги Президент Янукович Россиянинг талаби билан 2010 йилда ҳарбий-сиёсий иттифоқларга қўшилмаслик ҳақидаги қонун қабул қилинишига эришган эди.

Энди Украинанинг НАТОга ҳам қириш ҳаққи бор. Табиий, НАТОга аъзо бўлиш кўп вақт талаб қилади. Муҳим бўлгани – бунга йўл очилганидир. Ҳозироқ Украина ва НАТО турли соҳаларда ҳамкорлик қилишни бошлаб юборганлар. Бу йўналишдаги ишлар бугундан эътиборан яна ҳам жадаллашади.

Ўзбекистон НАТОдан ташқаридаги минтақада. Аммо, келажак нуқтаи назаридан НАТОга қўшилиш имконяти устида ўйлаш керак.