22 December 2014
21:17 - Ўзбекистонда бир ойда ёнғин хавфсизлиги учун 1,5 минг раҳбар жазоланди
Шу йилнинг 20 ноябридан 20 декабрига қадар мамлакатда ўтказилган ёнғин хавфсизлиги ойлиги давомида ўн мингга яқин масъул шахс тегишли тартибда маъмурий жавобгарликка тортилган. Ойлик давомида 1,5 минг раҳбар ва жавобгар шахс интизомий жазо олган бўлса, 36 нафари эгаллаб турган лавозимидан озод этилган. Албатта, бу шахсларнинг барчаси ёнғин хавфсизлиги қоидаларига амал қилишмаган.

Шунингдек, ойлик давомида ташкилот ва муассасаларда 48 мингдан зиёд ёнғин хавфсизлиги бурчаги ташкил этилиб, давлат ёнғин хавфсизлиги хизмати ходимлари томонидан ойлик давомида уч миллиондан зиёд аҳоли турар жойлари, 26 мингдан ортиқ кўп қаватли уйнинг ёнғинга қарши ҳолати текширилган. Кўрилаётган чоралар ва амалга оширилган тадбирлар натижасида содир бўлаётган ёнғинлар ўтган йилнинг шу даврига нисбатан 23,9 фоизга, фуқароларнинг тан жароҳати олиши 83,3 фоизга, ҳалок бўлиши 5,6 фоизга камайибди.

Ўтган йилга нисбатан ёнғинлар камайган бўлса, нима учун охирги ойда жазоланганларнинг сони ортди, деган савол Ўзбекистон режимининг қўғирчоқ ахборот воситаларини қизиқтирмайди ҳам. Аслида, ёнғинлар камаймаган, ортган. Давлат давлат сифатини йўқотаётган пайтда бошқача бўлиши ҳам мумкин эмас. Охир-оқибатда бутун давлат ёнади.
« Олдинги хабар Хабарлар рўйхати Кейинги хабар »