Бу ҳақда Украина Президентининг қримтатар халқи ишлари бўйича маслаҳатчиси Мустафа Жамилўғли айтди. Биз, дейди у, БМТнинг Қочоқлар бўйича бош комиссарлиги тарқатган маълумотларга асосланмоқдамиз. Уларга кўра, Қримни 19 минг киши тарк этди, уларнинг ярмидан кўпроғи қримтатарлари.

Аввалги хабарларимиздан маълумки, дейди мухбиримиз, ҳозир руслар қритматарларнинг миллий лидери Мустафа Жамилўғлини Қримга киритмаяптилар. Қримтатар Халқ Мажлиси раиси Руфат Чубаров ҳам Қримга киритилмаяпти. Қримтатар Халқ Мажлисинининг фаолияти расман тўхтаган. Аввал Қримтатар Халқ Мажлиси ўзининг йиғилишини Туркияда ўтказиши мумкинлиги ҳақида хабарлар бор эди. Ҳозир Туркия Президенти Ражаб Эрдўғон Ғарб билан конфронтация қилиб, Путин билан оғиз-бурун ўпишмоқда. Шундай экан, Туркия қримтатарларининг йиғилишини ўтказишга рухсат беришига ишониш қийин.

Турк Дунёси бирлашса ва ташкилотлансагина қримтатарларига амалда ёрдам берадиган куч пайдо бўлади.