Бугун, 22 декабрь куни, Украина президенти Пётр Порошенко таклифига кўра, Қозоғистон президенти Нурсултон Назарбой Украинага расмий ташриф билан келди. Украин матбуотига кўра, Нурсултон Назарбой Порошенко билан суҳбатда Украина ва Қозоғистон ўртасида имзоланган дўстлик ва ҳамкорлик тўғрисидаги шартномага 20 йил тўлиши арафасида ташриф буюрганини таъкидлаган.

Қозоғистон президенти томонидан шунингдек, 2010 йилдан 2013 йилгача бўлган муддатда икки давлат ўртасидаги товар айланмаси 2 баробарга ортгани, аммо 2014 йил бу борадаги кўрсаткичлар камайгани айтиб ўтилган. Ўзаро музокараларда озиқ-овқат, авиақурилиш ва маданий-гуманитар, ҳарбий-техник ҳамкорлик соҳасида ҳам келишувга эришилган.

Нурсултон Назарбой Киевдаги учрашувларда Украинанинг бутунлигини қўллаб-қувватлашини очиқча гапирди. Бундай баёнот Путинга ёқмаслиги ўз-ўзидан маълум. Кеча Киевда бўлган Белорусия Президенти Александр Лукашенко ҳам шу руҳда гапирганди.

Қизиғи шундакаи, Нурсултон Назарбой ва Александр Лукашенко эртага Москвага кетишмоқда. У ерда Евросиё Олий Кенгашининг мажлиси бўлади. Ғарбнинг санкциялари остида букилишга бошлаган Владимир Путинга Нурсултон Назарбой ва Александр Лукашенко ҳам зарба беришмоқчими? Аслида, уларнинг бошқа йўли ҳам йўқ. Путин Украинага нисбатан агрессорлик сиёсатини ўзгартирмаса, ортиб бораётган Ғарбниннг санкциялари Қозоғистон ва Белорусияни ҳам урушга бошлайди.