16 December 2014
01:11 - Росссияда қора душанба: Рубль дунёнинг энг заиф валютасига айланди, ЕИ Россияга қарши санкцияларни кенгайтирмоқчи
Кеча пешин соатларида Москва биржасида долларнинг курси 60 рублга, евроники эса, 70 рублга чиққанини катта сенсация сифатида хабар қилган эдик. У ҳам холва экан, биржа бекилганда бир доллар 64,4 рублга, евро 78,9 рублга чиқди. Бу дегани, рублнинг қиймати йил бошидан бери сал кам 2 баравар тушди ва данёнинг энг заиф валютасига айланди. Унгача энг заиф валюта Украинанинг гривнаси эди.

Европа Иттифоқи “ўлганни устига тепган” қилишдан ҳам тоймади. Кечи ЕИ ташқи ишлар вазирлари давражасидаги учрашувда Қримни босиб олгани учун Россияга қарши санкцияларни кенгайтириш қарори олинди. АҚШ, Канада ва Япония ҳам айнан шундай қилиш кераклигини гапиришмоқда эди.

Санкцияларни кенгайтиришнинг аниқ йўналишлари ҳақида ҳали баҳслар давом этмоқда, аммо улар кенгайиши энди аниқ.

Ҳа, ростдан ҳам кеча Россия учун “қора душанба” бўлди.
« Олдинги хабар Хабарлар рўйхати Кейинги хабар »