Туркия ахборот воситаларининг хабарига кўра, бугун мамлакатнинг 13 вилоятида бир вақтда кўпчилиги шу пайтгача ҳокимият органларида ишлаб келаётган фатухалла-гуленчиларга қарши операция ўтказилди. 31 киши ҳибсга олинди, яна 37 киши устидан тергов бошланди, шубҳасиз, уларнинг ҳам кўпчлиги ҳибсга олинади. Табиий, уларнинг турли конкрет айблар қўйилади. Аммо, асл сабаб бошқа. Эрдўғонга кўра, фатхулла-гуленчилар давлат ичида давлат қуришди ва тўнтариш йўли билан давлатни қўлга олиш учун иш бошлашди, бироқ эрдўғончилар вақтида бунинг фарқига бориб, қарши зарба бериш билан уларнинг йўлини кесишди.

Ҳа, дарвоқе, ушланганлар ичида фатхулла-гуленчиларнинг газетаси “Замон”нинг бош муҳаррири Акром Туманли ва бир қатор бошқа журналистлар ҳам бор.

Айнан бир йил аввал шу кунларда Туркия хавфсизлик хизматининг баъзи идоралари у пайтда Бош вазир бўлган Ражаб Эрдўғон ҳукумати аъзолари ҳам аралашган коррупция ва порхўрлик воқеаларини очиб ташладилар. Икки вазир истеъфога кетишга мажбур бўлди. Эрдўғон ўшанда биринчи марта давлат ичида давлат яратилгани, ана ўша иккинчи давлат одамлари унинг ўзи, партияси ва оиласига қарши уруш бошлашганини иддао этди, коррупция ва порохўрлик воқеалари бўйича қонуний текширувлар бошлаш ўрнига, иккинчи давлат одамлари бўлган фатхулла-гуленчиларга қарши кураш бошлади.

Фатхулла-гуленчилар давлат ичида давлат қурганлари ҳақиқат. Аммо, Эрдўғон буни билмасмиди? Биларди, бироқ икки давлат бир йўналишда – Туркиянинг исломлаштириш, мамлакатни ўрта асрларга судраш йўлида иш олиб бораётгани учун ҳеч қандай муаммо кўрмасди. Охир-оқибатда, Эрдўғоннинг ҳаёлига ҳам келмаган, аммо ақлли одамлар, жумладан, “Бирлик” лидери Абдураҳим Пўлат аввалдан башорат қилган жараёнлар бошланди. Жараёнларниннг моҳияти – диндорлар ичида ҳокимият учун курашдир.

Бу воқеа Туркия душманларини қувонтирадиган нарса. Чунки, ҳозир бошланган диндорлар ичидаги ҳокимият учун кураш натижасида Отатурк яратган замонавий Туркия заифланишга бошлайди ва охир-оқибатда парчаланиб кетишга келади. Бунинг олдини олишнинг ягона йўли – Туркияда Эрдўғон тарафидан феълан йўқ қилинган дунёвий давлатни тезда қайта тиклаш. Исломда ислоҳотлар ўтказиб, Ислом динининг ўзи тарафидан секуляризм (дунёвийлик) принципини таш олишига эришиш. Шундагина исломчилар сиёсатга аралашмасликка мажбур бўладилар.

Ўзбеклар шуни унутмасликлари керакки, бундай воқеалар бундан ҳам даҳшатли шаклда Ўзбекистонда ҳам бўлади. Ҳозир кун сайин аҳвол ёмонлашиб бормоқда. Кун ўтган сайин, Ислом динида ислоҳотлар фақат қонли йўллар билан амалга оширилишининг эҳтимоллиги ортиб бормоқда. Гап, биринчи навбатда, ўзбекларнинг қони ҳақида кетмоқда. Осмонимиз тинч дея ҳозир ош ейиш билан машғул бўлганлар қон ичида қоладилар. Эртаги кунни ўйлаш керак, фақат ошни эмас.