Туркларнинг “Миллиёт” газетаси манбаа кўрсатмасдан тарқатган ва асосан расмлардан иборат бўлган хабарда айтилишича, Россия Фанлар Академияси тарафидан Ёқутистонда яратган расмдаги биночанинг тагидаги ертўлалардаги омборда Ер юзининг ҳамма жойларидан олиб келинган 1,5 миллиондан кўпроқ сабзавот, мева ва қишлоқ хўжалик маҳсулотларининг уруғлари сақланади. Бошқа расмларда ўша омборда шиша банкаларда сақланаётган уруғларнинг кўрасиз, холос.

Хабарга кўра, Норвегиянинг шимолида ҳам шунақа омбор бор экан, русларникидан фарқи, бу омбор халқаро мақомга эга эканлиги. Аммо, иккала омбор ҳам ядровий портлашларга ҳам чидайдиган даражада мустаҳкам қилиб яратилган.

Маълумки, Нух пайғамбар жаҳонни сув босганда, ўз қайиғига ўша пайтда яшаган ҳамма ҳайвонларнинг бир эркак ва урғочисини олиб, ҳаёт давом этиши учун шароит яратиб берганди.

Ҳеч шубҳа йўқки, дейди мухбиримиз, Ёқутистон ва Норвегиядаги омборлар Нух пайғамабрнинг тажрибасидан келиб чиқиб яратилган. Демак, инсоният яна ҳалок бўлса ҳам, энг камида, сабзавот, мева ва бошқа қишлоқ хўжалик маҳсулотлари ҳалок бўлмайди.

Аммо, бу уруғларни экиш учун биронта одам бўлиши керак. Тахмин қилиш мумкинки, Ёқутистон ва Норвегиядаги омборларда одамларнинг уруғлари, яъни спермалари ҳам сақланаётган бўлса керак. Табиий, уларни "экадиган" роботлар ҳам тайёрлаб қўйилганига шубҳа йўқ.