04 December 2014
21:40 - Элчимиз Малайзия Қиролига ишонч ёрлиғини топширди, аввалги элчи қамоқда деган гаплар юрибди
“Жаҳон” ахборот агентлигининг бугунги хабарида айтилишича, Ўзбекистон Республикасининг Малайзиядаги фавқулодда ва мухтор элчиси Мурод Асқаров ушбу мамлакат Қироли Абдул Ҳалим Муаззам Шоҳга ишонч ёрлиғини топширган. Учрашувда Малайзия Қироли ўзбек халқининг бой тарихий-маданий меросини, шунингдек икки мамлакат ўртасидаги сиёсий, савдо-иқтисодий ва маданий-гуманитар соҳалардаги ўзаро манфаатли ҳамкорликни янада кенгайтириш учун мавжуд салоҳиятини эътироф этибди.

Таъкидлаш керак, бу мамлакатдаги собиқ элчимиз Шукур Собитов муддатидан аввал миссиясини топширган ва Тошкентга чақириб олинган. Собиқ элчининг ўғли Шерзод Собитов отасининг ҳибсга олинганини маълум қилганди.Аммо собиқ элчининг нима сабабдан қамоққа олингани тафсилотлари ҳали ҳам маълум эмас. Интернет нашрларида элчининг бу мамлакатдаги ўзбек фоҳишаларидан қўллаб-қувватлаш эвазига чўтал олиб тургани ҳақидаги маълумотлар чоп қилинганди.

Бу гапга ишониш мумкин, чунки, мамлактимизда Президент ва унинг қизидан тортиб, элчиларгача, ҳамма пораҳур ва ўғрилар. Шу сабабдан Ўзбекистондек давлат чел элда ишлаётган мардикорларнинг пули билан оёқда турадиган ҳолга келиб, феълан давлат сифатини йўқотиб бўлди.
« Олдинги хабар Хабарлар рўйхати Кейинги хабар »