03 December 2014
01:31 - Евроосиё Иттифоқи доллар ва еврони ўзаро муомаладан чиқармоқчи
Бугунги “Известия” газетаси Россия, Қозоғистон, Беларусия ҳамда Арманистон иштирокида тузилган Евроосиё Иқтисодий Иттифоқи ташкилотнинг ички муносабатларида АҚШ доллари ва евродан фойдаланмасликга ҳаракат қилинаётгани ҳамда буни кўзда тутадиган 11 та концепция ишлаб чиқарилаётгани ҳақидаги мақолани чоп қилди. Мазкур концепцияга кўра, келажакда ташкилот аъзолари ўртасидаги нақд пул операциялари давлатларнинг миллий пул бирликлари – рубль, тенге, беларусь рубли ҳамда драм орқали амалга оширилади.

2030 йилга қадар босқичма-босқич иттифоқ ҳудудида аҳоли орасидаги савдо муомалалари, бошқа тўловларда ҳам АҚШ валютаси ва евронинг бекор қилинишига эришишни режалаштирилган. Албатта, бу ўйинлар ташаббускори бўлган Россия Украина масаласида жаҳон ҳамжамиятидан устун келолса, бу орзулар амалга ошади, аксинча концепция қоғозда қолиб кетаверади.
« Олдинги хабар Хабарлар рўйхати Кейинги хабар »