Бунёдбек исмли ўқувчимиздан қуйидаги хатни олдик:

Hurmatli Harakat sayti tahririyati,

Men deyarli har kuni web saytizlardagi maqolalarni o'qib boraman deyarli hammasi dolzarb va haqiqatdir. Ayniqsa Islom dinini reforma qilish haqida fikrilarga qo'shilaman. Ammo sayt bundan ancha yaxshi bo'lishi mumkin edi. Ham texnik tomondan ham mazmuni, kontenti jihatdan ham. Shuning uchun men bugun shu saytdagi kamchiliklar va ular uchun ba'zi bir takliflarimni ilgari surmoqchiman.

Avvalo web saytning texnik tomoniga to'xtalsam , bilamiz websayt tezroq va oson yuklanishi uchun sodda qilingan ya'ni sekin tezlikdagi internetda ham oson ochishi uchun. Ammo bu endi zarur emas, harakat.net O'zbekistonda blok qilingan demak interneti dunyodagi eng sekin bo'lgan O'zbekistonda bu websaytga oddiy o'zbek kirishni bilmaydi asosiy tashrifchilar asosan Rossiya va Boshqa rivojlangan mamlakatlardagi yurtdoshlarimiz, ular uchun internet tezligi muammo emas, shuning uchun web saytni dizaynini tubdan yaxshilash zarur. Chunki yaxshi dizayn kirgan o'quvchida sizlarning jiddy ekanligizni bildiradi. Hozirgi sayt xatto o'rtamiyona bloglardan ham yomon holatda , header qismidagi rasmlar "asrlardan beri" o'zgarmagan ularning sifati juda yomon. Shuningdek side (yon tomon) dagi mavzular masalan aktual mavzular 2012 yilda yozilgan.

Yana bir nosozlik bu avvalgi maqolalarni ayniqsa harakat xat qutisiga kelgan boshqalarning maqolalarini topish qiyinligidir ularni topish xatto googleni ham qo'lidan kelmasa kerak. Umuman kategoriya degan narsani o'zi yo'q, hammasi aralash quralash bo'lib yotibdi. Xatto rus tilidagi maqolalar ham chiqib qoladi aralashib. Har qalay O'zbekiston Xalq Harakatining web sayti ancha yaxshi holatda.

Yana bir muammo bu harakat.net ning facebookda mavjud emasligi, Kun.uz masalan aynan facebook tufayli trafikni 70% ga oshirdi. Tashrifchilarning 90% facebook orqali kiradi. Zero facebookda sahifa yaratish pul turmaydi.

Ozodlik.org ga kuniga bir necha ming kishi kiradi, garchi maqolalari Harakat.net nikidan uncha ko'p bo'lmasada.

TEXNIK TOMONDAN TANQIDIM SHU YERDA TUGADI

Endi harakat.net ning contentiga kelsak. Men hohlardimki harakat.net professionallarcha faoliyat yuritsa va OAV qoidalariga rioya qilsa muhlis hurmati oshadi. Chunonchi maqolalarda " ishtonsiz Karimov" " "Karimov inida" "Karimovni tushiga ham kirmaydi" kabi jumlalarda foydalanmasangiz.

Garchi Karimov har qancha haqoratlarga loyiq bo'lsada ammo harakat.net kabi web saytlar bu kabi ko'cha tilidan foydalanishdan tiyilishi, haqiqiy adabiy til meyorlariga rioya qilib yozish ajoyib ish bo'lur edi. Chunki bilamiz BBC Uzbek, Amerika Ovozi singari rasmiy manbalar hech qachon bunday so'zlardan foydalanmaydi. Men sizlarga aql o'rgatmoqchi emasman.

Maqolalarni kim yozayotgani, muallifi biografiyasi kabilarni qo'yish kerak, chunki noma'lum muholifat bu muholifat emas, taniqli bo'lmagan shaxslarning hokimiyatga kelishi qiyin.

Yozganlarimni internteda chiqarishizlar shart emas, e-mailimga javob yozib xatimni olganizlarni bilsam bo'ldi .

Hurmat bilan Bunyodbek

“Ҳаракат” таҳририятидан: Ҳурматли Бунёдбек, бизга юборган таклиф, маслаҳат ва танқидий мулоҳазаларингиз учун чин кўнгилдан миннатдорчилик билдирамиз. Хатингизни Интернетда эълон қилишни тақиқламаганингиз учун, уни ҳамманинг диққатига ҳавола қилмоқдамиз. Нимага?

Чунки, хатингиз биз ҳар қадамда тўтиқушдек ёмонлаётган ўзбекларга хос эмас. Сиз бор нарсаларнинг анализ қилмоқдасиз. Тушунишга ва тушунтиришга ҳаракат қилмоқдасиз.

Ахир бу ўзбекларга, хусусан, ўзбек журналистларига, масалан, ўша Сиз тилга олган “Озодлик” радиосининг журналистларига ёд нарса. Ахир Ўзбекистондек давлатнинг журналистлари Ўзбекистон иқтисодининг кучи ва аҳолининг ўртача ойлиги билан қозоқлардан 8-10 баравар орқада эканлигимизни билишмайди, аҳволимизни тушунишга ҳаракат қилишмайди. Бундай қилишга МХХ йўл бермаётганини доимо гапириб келамиз. Аммо, сабаб фақатгина бу эмас. 21 асрда МХХни аладаб, уни бурни остида ҳам кўп иш қилса бўлади. Искандарнинг шохи борлигини билиб қолган сартарош чидолмасдан қудуққа гапиргани каби, гапирадиган жой топиш мумкин. Агар буни истасалар. Улар истамасликдан ташқари, атрофимизда бўлаётган жараёнларни тушунмайдилар ҳам. Чўчқалар.

Ўзбек миллати “Ҳаракат” Агентлиги Ўзбекнинг тарихидаги биринчи ва ҳозирча ягона ахборот воситаси эканлигини тушунмайди ҳали. “Ҳаракат” хабарларнинг сони билан эмас, уларни ўқувчиларга тақдим қилиш, воқеаларни тўғри ва объектив таҳлил қилиш даражаси билан жаҳоннинг энг кучли агентликларидан қолишмаслигини билмайди ҳали. Тушунмас ва билмас экан, унинг афзалликлари ёки камчиликларини кўроладими? Йўқ.

Аммо, Сиз кўра билибсиз.

Сайтимизнинг техник камчиликларини кўрсатибсиз. Бу ердаги фикрларингизга қўшиламиз, тўғрисини айтсак, уларни ўзимиз ҳам биламиз. Ўзингиз ҳам тушунсангиз керак, ахборот воситалари спонсонлар ҳомийлигида ва рекламадан олинадиган фойда эвазига иш олиб борадилар. Ҳозир бизнинг шароитда рекламачиликка имкон йўқлигини ўзингиз ҳам билсангиз керак. Ўзбек миллати эса, спонсорлик/ҳомийлик деган нарсани тушунишига ҳали анча бор. “Ҳаракат” сайтини ҳозирги даражада олиб бориш учун ҳам йилига камида 100 минг доллар атрофида пул керак. Аммо, биз уни амаллаб йиғилаётган 5-6 минг билан қилмоқдамиз. Қилаётган ишимиз – унча-мунча одамга тушунтириб бўлмайдиган даражадаги қаҳрамонликдир. Айни замонда, миллат шу аҳволда экан, бизга ўша 5-6 мингни бераётган ва сонини бармоқ билан санаса бўладиган ватандошларимизга тиз чўкиб раҳмат айтмоқдамиз.

“Ҳаракат”нинг Фейсбукда саҳифаси бор эди. У ҳозир бекитиб қўйилган, сафдошларимиз тарафидан бекитиб қўйилган. Бу ҳам миллатимз аҳволининг кўрсатгичларидан биридир. Бизнинг принципимиз: “Миллатни Интернет орқали миллат қилиб бўлмайди, миллат миллат бўлгандан кейин Интерненинг самарадорлигини кучайтириб, буюк келажагимиз учун катта ишлар қилиш мумкин.” Шу сабабли, Фейсбукдаги саҳифамизни қайтадан яратишга шошилаётганимиз йўқ, эскисини тиклаш умидидамиз.

Гапни қисқа қилсак, ҳозир Сиз айтаётган техник камчиликларни тузатолмаймиз.

Контент бўйича танқидий мулоҳазаларингиз учун ҳам раҳмат. Аммо, уларга тўла қўшилолмаймиз.

Мана, Сиз “Каримов ундоқ”, “Каримов бундоқ” деган ибораларимизни нишонга олибсиз. Аслида, “Миллатимизнинг кўпчилиги қорамол”, “Зиёлиларимизнинг мутлақо кўпчилиги чўчқа” деган бундан ҳам даҳшатли ибораларни ишлатмоқдамизку. Уларни онгли равишда ишлатмоқдамиз ва аминмизки, тўғри ишлатмоқдамиз.

Узоқ йиллар фаронларнинг қули бўлиб, қуллик психологияси ичида қолган яҳудийларни бир авлод ўлиб битганча чўлларда айлантириб юрган Мусо пайғамбарнинг ишини 21 асрда қайтариб бўлмайди. Демак, Ўзбекни биз таклиф қилаётган шок терапияси усуллари билан тезроқ кўзини очишдан бошқа йўл йўқ.

Ва охирги нарса. Мақолаларни ким ёзаётгани, уларни биографиясини бериб бориш ҳақида. Тўғри. Биз аслида шундай қилиб келганмиз. Масалан, “Ҳаракат” журналида ва Актуал Мавзу рубрикасидаги мақолаларнинг мутлақо кўпчлигида муаллифларнинг исми-шарифи кўрсатилган. “Бирлик” Ўзбекистон ичида ўтказаётган мажлисларда қатнашаётганларни ҳам исмма-исм айтиб келмоқдамиз.

Мухолифатчиларнинг кимлигини миллатга кўрсатиш, миллатга уларни таништиришнинг ягона йўли – Ўзбекистон ичида кўпроқ тадбирлар ўтказиш. Афсуски, мавжуд режимнинг тўсиқларидан ташқари, яна ўша моддий муаммо бор. Партиялар тамомийла спонсорлар-ҳомийлар ёрдамида фаолият борадилар. Спонсор миллатнинг ўзи бўлади. Ўзбеклар режимдан қўрққанидан бизга ёрдам бермаяпти деган фикрдан жуда-жуда узоқдамиз. Ҳамма айб, миллатимиз ўзининг эртаси куни билан қизиқмаслигида, ош ейиш ва туалетга боришдан бошқа нарса билан иши йўқлигида. Миллий туйғу, миллий ғурур нималигини ҳам унутганида. Миллат ўз ичидаги фидокорларни рағбатлантириш ва ичимизда хира пашшадек кўпайиб бораётган хоин-ҳаромийларнинг афтига, энг камида, тупириш кераклигини ҳам тушунмайдиган ибтидоий даражадалигида.

Шуларни била туриб, шундай оғир вазиятда, аслида, қилиб бўлмайдиган ишларни қилаётганимизни Сиз ҳам тан олинг. Интернетда “Қўрқмаймиз” кампанияси олиб бораётганлар айнан биз айтаётган ҳаромий ва чўчқалар эканлигини эътироф қилинг. Имкон бўлса, бизга қўшилинг. У чўчқалардан фарқли ўлароқ, Фейсбукда эмас, амалда қўрқманг!