10 November 2014
20:10 - Тошкентда режиссёрни алдаган ҳомий 8 йилга кесилибди
Жиноят ишлари бўйича Тошкент шаҳар суди ҳукми билан промоутерлик, кино, шоу-бизнес, продюсирчилик, рекламачилик, интернет-маркетинг каби ишлар билан шуғулланадиган Catalea Group ширкати раҳбари товламачилик ва порахўрликда айбланиб, 8 йилга озодликдан маҳрум этилган. Бу ҳақда ёзган қатор маҳаллий нашрлар ширкат раҳбрининг исмини нимагадир очиқламаганлар. Маълум бўлишича, бу корчалон «Энди дадам бўйдоқ» фильми режиссёри Алишер Узоқовнинг пулларини ўзлаштириб кетган. Яъни, тушуниш мумкинки, дейди мухбиримиз, аслида, фильмдан тушган фойдани тенг бўлишишга келишган режиссёр ва ҳомий ўртасида қандайдир можаро чиққан ва бу “можаро”да Catalea Group раҳбари ғолиб чиққан.

Суд ҳукмида Алишер Узоқов фойдсига 44 миллион сўм ундирилиши ҳам кўзда тутилибди. Демак, Ўзбекистондаги ҳолатни билган ҳолда тахмин қилиш мумкинки, бу босқичда Алишер Узоқов ғолиб чиқибди. Ахир бир кун ҳақиқат ҳам ўртага чиқса керак.

Дарвоқе, бу ширкатнинг сайтида у ўз фаолиятини тугутгани ҳақида 2013 йил 17 декабрда хабар берилган, шундан кейин сайт янгиланмаган. Расмда унинг логосини кўрмоқдасиз.
« Олдинги хабар Хабарлар рўйхати Кейинги хабар »