Тошкент вақти - 
07 November 2014
16:37 -
“Путин Сталин эмас” деган Киссенжер ноҳақ, “Ҳаракат” Агентлиги ҳақ
Генри Киссинджернинг Нью-Йоркда Берлин девори йиқилишининг 25 йиллигига бағишланган симпозиумда сўзлаган нутқидаги асосий тезис – Ғарб ва Россия ўртасидаги конфликт “совуқ уруш” эмас, Путин эса Сталин эмас.Ўз вақтида АҚШ Давлат Котиби лавозимида ҳам ишлаган Генри Киссинджер ҳозир 91 ёшда. Унинг ҳамма таҳлил ва мулоҳазалари доим жиддий ва ақлли бўлган.
Аммо, сўнги йилларда у ҳам кўп хатолар қилмоқда. Нью-Йоркда айтган фикрлари ҳам шундайлардандир.
Бир томондан, Путиннинг қилаётган ишларини ташқи кўринишидан Сталинникидек деб бўлмайди, демак, Киссенжер ҳақдек кўринади. Аммо, Киссинжер ҳозир замон бошқа эканлигини, ҳозир Путиннинг ўрнида Сталин ўтирса эди, у ҳам ўзининг аввалги қилган ишларини қилолмаслигини тушунмаяпти. 21 асрда ҳеч ким катта ҳудудли давлатини “темир девор” билан ўраб ололмайди ва ўз халқи устида истаган тажрибасини ўтказолмайди.
“Ҳаракат” Агентлиги бу фикрни аввалдан айтиб келмоқда. Масалан, бизга кўра, ҳозирги Президент Ислом Карим диктаторлик табиати билан Иосиф Сталиндан ҳам баттар. Аммо, унинг Сталин каби кучи йўқ, Сталин каби ақли йўқ. Бунинг устига, Ўзбекистон собиқ СССР каби бой давлат эмас, темир девор ичида яшай оладиган давлат эмас. Шунинг учун Ислом Карим Сталин қилган ишларни принцип ўлароқ қилолмаяпти ва қилолмайди. Аммо, бу нарсалар уни оқлашга хизмат қилолмайди.
Айнан шу фикрлар Путинга ҳам тегишли.
Совуқ уруш масаласида ҳам Киссенжер ноҳақ. Аввалги “совуқ уруш” бир неча ўн йил давом этди. Ҳозиргиси энди бошланмоқда. Бунинг устига, Интернет ва информацион технологиялар даврида “совуқ уруш”нинг ташқи кўриниши бутунлай бошқача бўлади ва бўлмоқда.
Булардан ҳам муҳим бўлгани, совуқ урушнинг натижасидир. Айнан натижа нуқтаи назаридан аввалги ва ҳозирги совуқ уруш бир хил бўлади. Аввалигиснинг натижасида СССР парчаланди, ҳозиргисининг натижасида Россия Федерацияси парчаланади.
