05 November 2014
20:31 - Тожикистон қамоқхоналаридан 80 нафар юртдошимиз озодликка чиқарилди
Тожикистон Адлия вазирлиги қошидаги Жазони ижро этиш Бош бошқармаси бошлиғи Иззатулло Шарипов мамлакат президентининг амнистия ҳақидаги фармони асосида жами 4,5 минг маҳкум озодликка чиқарилгани ҳақида хабар қилди. Шариповга кўра, яна 3,5 маҳбус қамоқхоналардан манзил колонияларга чиқарилган ва яна бир қисмининг жазо муддатлари қисқартирилган.

Биз учун муҳим жиҳати, дейди мухбиримиз, Тожикистон қамоқхоналарида ётган 80 нафар юртдошимиз ҳам озодликка чиқарилган. Уларнинг Ўзбекистонга депортация қилиниши кутилмоқда. Шунингдек, тожик қамоқхоналаридан 155 нафар афғон фуқароси, 39 нафқар россияликлар ва 31 нафар қирғизистонликлар озод қилинмбди. Маълумотларга кўра, Тожикистонда озод қилинган хорижлик маҳкумларнинг аксарияти гиёҳвандлик воситаси орқали банди этилган экан.
« Олдинги хабар Хабарлар рўйхати Кейинги хабар »