14 October 2014
23:00 - Ўзбекистон Бош вазирини “Бирлик” ва “Ҳаракат” тилга киритдими?
Кечаги хабарларимизда Ўзбекистон ҳукуматининг пахта ярмаркасида 1 миллард долларлик тола сотишни мўлжаллаётгани, бу ишнинг миллат учун росмана диверсия эканини, бу ҳақда “Бирлик” 25 йилдан бери гапириб келаётганини таъкидлагандик. Буни қарангки пахта ярмаркасининг бугунги очилиши олдидан Ўзбекистон Бош вазири Шавкат Мирзиёев Ўзбекистон ҳукуматининг пахта толаси экспортини камайтириш йўналишида ислоҳотлар олиб боришга киришганини баён қилибди.

Ҳукумат раҳбарига кўра, кейинги йил охирига қадар ички ишлаб чиқариш салмоғини ошириш эвазига ҳукумат ярим миллон тонна пахта толасини экспорт қилишдан воз кечиб, умумий экспорт миқдорини 6-7 йил ичида 70 фоизгача қисқартиради.

Шундай қилиниши керак, бу тўғри иш, аммо жинояткорона кеч қилинаётган иш, дейди мухбиримиз.
« Олдинги хабар Хабарлар рўйхати Кейинги хабар »