Ўтган ҳафтанинг пайшанба ва жума кунлари Нью-Йорк фондлар биржасининг асосий кўрсатгичи - Dow Jones индекси - 310 ва 115 поғонага тушиб кетганди. Бунинг сабаби жаҳон иқтисодининг ўсиш даражаси кутилгандан камроқ бўлиши ҳақидаги тахминлар бўлганини ҳам айтар экан, бу тушиш вақтинчалик эканлиги, Dow Jones тезда ўзини тиклаб олишини башорат қилган эдик.

Мана кеча бу ҳафтанинг биринчи иш куни бўлди. АҚШда байрам (Колумб куни) бўлса ҳам, Нью-Йорк фондлар биржаси ишлади. Биржа бекилганда Dow Jones индекси яна 223 поғонага (1.35%) тушиб кетгани маълум бўлди. Экспертлар бу тушишга бошқа баҳона/сабаб топдилар. Расмий бўлмаган маълумотларга кўра, АҚШда Марказий Банк ролини ўйнайдиган Федерал Резерв қарз учун олинадиган фойданинг фоизини ҳозирги 0-0,25 дан кўтаришни яна ҳам кечиктирадиган бўлганмиш.

Аслида, бу дегани, Федерал Резерв жаҳон иқтисодининг ўсиш даражаси пасайиши ҳақидаги тахминларни ва бу пасайиш таъсирида АҚШ иқтисодида ҳам шунай тенденциялар ўртага чиқишини қабул қилгани демакдир.

Кўрамиз, амалда қандай жараёнлар ҳукмронлик қилади, Федерал Резерв ҳақ чиқадими ёки “Ҳаракат”?