11 October 2014
08:57 - Cпортчи-президент Путин туғилган кунини пиёда юриб нишонлабди
Россиянинг кўплаб оммавий ахборот воситалари президент Владимир Путин 7 октябрь куни 62 ёшга тўлгани муносабати билан 9 километр пиёда юргани ҳақида ёзишмоқда. Унинг ўзи ҳам Жисмоний тарбия ва спорт қўмитасида қилган чиқиши пайтида 9 километр пиёда юргани, бутун аъзои бадани зирқираётгани ҳақида гапирибди. Путиннинг матбуот котиби ўз шефи туғилган кунини Тайга ўрмонларида бир кунлик таътил билан ўтказмоқчи эканини аввалдан маълум қилганди.

Эҳтимол, Путин Россияни чуқур инқирозга ўзи олиб кетаётгани, айни замонда, ўзининг қуёши ботаётганидан депрессияга тушганини сезган ва бу касалликни ўрмонларда юриб енгмоқчи бўлгандир, дейди мухбиримиз. Аксинча, 9 километр юриб вақт ўтказганидан кўра, фойдалироқ иш қилганида яхши бўларди. Қолаверса, 62 ёшни 62 рақами билан боғлиқ бирон нарса қилиб қутлаш керак эди, масалан, 62 километрга юриб.

Яна бир савол туғилиши ҳам табиий: Қизиқ, Путин таътилда бўлганда ҳам ўз хизматидаги учоқни ишлатдими ёки ўз ёнидан билет олиб, оддий йўловчилар учоғида тайгага бориб келдими?
« Олдинги хабар Хабарлар рўйхати Кейинги хабар »