05 October 2014
01:03 - Барак Обамадан кейин Дэвид Кэмерон ҳам “ИШИДни йўқ қиламиз” деди, Ислом Карим уларга қарши
Сурия ва Ироқда фаолият олиб боаётган ИШИД номли террористлар гуруҳи Алан Хеннинг исмли яна бир Буюбритания фуқаросининг калласини олиб, бу мудҳиш воқеани кўрсатувчи видеони Интернетда тарқатгандан кейин, бу мамлакат Бош вазири Дэвид Кэмерон кескин баёнотлар берди. У ИШИДни ваҳший ва жирканч эканлигини айтиб, уни йўқ қилишга ваъда берди.

Алан Хеннинг Сурия мусулмонларига Англиядан гуманитар ёрдам олиб келган гуруҳнинг аъзоси эди. Уни шу ерда ИШИДчилар аввал гаровга олдилар, мана энди ўлдирдилар. Ростдан ҳам ИШИД ваҳший ва жирканчлар жамоаси эканлигини яна бир марта ўзи исботлаб берди.

Маълумки, АҚШ Президенти Барака Обама ИШИДга қарши бўлган коалицияга раҳбарлик қилишни ўз бўйнига олатуриб, “ИШИД йўқ қилинади” деган эди. Табиий, Барак Обама ҳам, Дэвид Кэмерон ҳам, ИШИДни қурол кучи билан жисмоний йўқ қилиш йўлини назарда тутмоқдалар.

Минг афсуски, Ўзбекистон Президенти Ислом Карим уларга қарши. Чунки, у имкон пайдо бўлган жойда “ҳамма муаммоларни тинч йўллар билан, сиёсий йўллар билан ҳал этиш кераклигини” тўти қушдек қайтаради. У бечора ўзини сиёсатчи эмас, иқтисодчи эканлигини ҳам кўп гапирарди. “Бирлик” Партияси ва “Ҳаракат” Агентлиги Ўзбекистоннинг иқтисоди бу “иқтисодчи” етакчилигида ўлаётгани, ўзбеклар қозоқларга мардикорчилик қиладиган халққа айланиб бораётганинини аниқ фактлар билан кўрсатиб бергандан кейин, у оғзини юмган эди.

Қизиқ, Ислом Карим Барак Обама ёки Дэвид Кэмерон кабилардан ўрганиб бораверса, ахир бир кун ақли кириб, сиёсатчига айланиб қолмасмикан?
« Олдинги хабар Хабарлар рўйхати Кейинги хабар »