Туркиянинг ўртасида жойлашган ва диний маркази деса ҳам бўладиган Коня шаҳрида узоқ йиллардан бери уйсиз яшаб, гадойчилик билан кун кечирган чолни ерли одамлар “Тўрвали дода” ёки “Ғариб” дейишар экан. У шу кунларда шаҳарлараро автовокзалда орқага бераётган автобуснинг тагида қолиб ҳалок бўлгандан кейин, полиция унинг кимлигини билиш ҳаракатига тушган.

Маълум бўлишича, бу 75 ёшли чолнинг исми Меҳмет Келеш бўлиб, у асли Қора дегиз соҳилига яқин бўлган Чорум вилоятидан экан. Полиция унинг амакивачча каби қариндошларини топибди, улар бобойни кўмишга ҳам тайёр эканлар, лекин полиция 15 кун ичида Меҳмет Келешнинг яқинроқ қариндошлари топилмаса, уни ҳеч кими йўқлар мозорига кўмилишинии билдирибди.

Энг қизиғи, Меҳмет Келешнинг иккита банк ҳисобида 1 млн турк лирасидан кўпроқ пули бор экан. Доллар ҳисобида 1 миллионга яқин пул.

Ҳа, ростдан ҳам, бу дунё шунақа. Миллионер гадойлар бор. Ҳар ҳолда, у бечора чолнинг ақли жойида бўлмаса керак.

Бундай хабарларни эшитиб, ўйлаб қоласан: Қашшоқ давлатга айланган Ўзбекистоннинг чет эл банкларида трилионлаб доллар пули йўқмикан? Ақли жойида бўлмаган раҳбарлардан ҳар нарса кутиш мумкин.