24 September 2014
22:40 - Туркия мактабларида 9 ёшдан ҳижобга ўралиш рухсати берилди
Бу мамлакатда мактаблар 3 босқичга бўлинган. Биринчи синфга 5 ёшда борилади. Илк мактаб -1-4 синфлар, ўрта мактаб 5-8 синфлар, кейин 4 йиллик лицей.

Ўтган асрнинг 30-чи йилларида қабул қилинган қонунга кўра, жамоат жойларида аёллар ҳижоб, эркаклар салла билан пайдо бўлиши мумкин эмас. Лекин ҳокимиятга исломий илдизли Адолат ва Тараққиёт Партияси келгандан кейин бу масалада катта ўзгаришлар бўлмоқда. Аввалига, жамоат жойларида, хусусан, университетларда ҳижобли юришга рухсат берилди.

Куни кеча ўрта мактабдан бошлаб, қизларга ҳижобда макатбга келишга рухсат берилди. Энди 9 ёшли ўқувчи қизлар ҳижобга ўралиб юришни бошлайдилар. Вақти келади, илк матабларда, кейинчалик боғчаларда ҳижобда бўлиш рухсати берилади.

Ҳозирги ҳокимият бу ишларини инсонларга эркинлик бериш деб оқлашга ҳаракат қилмоқда. Ёш қизлар ҳижобга ўралиш ёки ўралмаслик масаласида ўзлари қарор беришларига ишонадиган одам топилмаса керак. Табиий, уларни ота-оналари ҳижобга ўрайдилар. Бунинг эркинликка ҳеч қандай алоқаси йўқ.

Агар дунёвий руҳдаги партиялар ҳокимиятга келиб, бу жараёнларни тўхтатолмаса, Туркия секин-аста Эрон ёки Саудия Арабистони даражасига тушиш муқаррар.