10 September 2014
01:23 - АҚШ Россияга қарши янги санкциялар тайёрламоқда, Европа Иттифоқи тайёрлаб бўлди
Россиянинг ИТАР-ТАСС агентлиги АҚШ Давлат Департаментининг вакили Мари Харфга асосланиб, АҚШ Россияга қарши янги санкциялар тайёрлаётганини хабар қилди. Хабарда айтилишича, Мари Харф шундай дебди: “Қўшма Штаталар Россиянинг молиявий, энергетик ва мудофаа секторларига қарши киритилган санкцияларни кенгайтириш ишини тамомламоқдалар. Бизнинг тайёр қуролларимиз бор. Санкциялар пакети тайёр, аммо келаётган кунларда воқеалар қандай ривожланишига қараб қарор қабул қиламиз.”

Европа Иттифоқи эса, ички зиддиятларга қарамасдан, янги санкциялар хусусида келишилгани ва шу кунларда улар кучга киритилиши ҳақида гапирмоқда.

АҚШ ва ЕИ ҳозирча Россияга сигналлар бермоқдалар. Агарда Путин Украинага нисбатан агрессивлигини тўхтатмаса, санкциялар киритилдади, агрессивлик тўхтатилса, санкциялар кирилмаслиги ҳам мумкин.

Путин шу кунларда ҳар куни Украина президенти Петр Порошенко билан телефонда гаплашиб, ўзи ўқ отишни қайтдан бошлатмаслик тарафдори эканлигини кўрсатишга уринмоқда. Аммо, ҳозирча ҳеч ким унга ишонаётгани йўқ.
« Олдинги хабар Хабарлар рўйхати Кейинги хабар »