08 September 2014
22:14 - ОТБ Ўзбекистонда темир йўл ислоҳотларига 150 миллон АҚШ доллари миқдорида қарз берди
Осиё Тараққиёт Банки (Asian Development Bank - ADB) янгиликлар лентасида пайдо бўлган хабарга кўра, мазкур халқаро молия муассасаси Ўзбекистондаги Мароқанд-Навоий-Бухоро темир йўлини электрлаштириш лойиҳаси учун кейинги йили 150 миллион АҚШ доллари миқдорида кредит ажратади. Мазкур кредит 232 километрлик темир йўлни электрлаштириш учун сарфланади ва натижада темир йўлга туташ, муқобил йўллар реконструкция қилинади. Лойиҳа якунида юк ташиш 40 фоизгача ортади.

Лойиҳа амалиёти 2020 йилда ниҳояланиши назарда тутилган. “Темир йўлларини электрлаштириш бўйича умумий қиймати 672 миллион долларлик лойиҳани амалга ошириш учун маблағнинг қолган қисми Ўзбекистон томони ва халқаро молия ташкилотлари кредитлари ҳисобига қопланиши режаланган” дейилади бу борадаги хабарларда.
« Олдинги хабар Хабарлар рўйхати Кейинги хабар »