Швециянинг Telia и Финляндиянинг Sonera компаниялари 2002 йилда қўшилиши натижасида пайдо бўлган TeliaSonera компаниясининг Эрик Халберг раҳбарлигидаги делегацияси 4 сентябрь куни Тошкентда Алоқа, Информатизация ва Телекоммуникацион Технологиялар Давлат Комитетида учрашув ўтказгани ҳиқидаги хабарда Ўзбекистон тарафидан кимлар иштирок этганлиги айтилмайди. Айнан шу учрашув пайтида TeliaSonera компаниясининг Ўзбекистондаги ишларини юритувчи Ucell уяли алоқа операторига янги тайинланган Бош директор Тону Грюнбергни ҳаммага таништиришибди. Тону Грюнберг бу лавозимга тайинлангани 2 сентябрдаёқ эълон қилинган эди. У ўз ишини 15 сентябрда бошлар экан.

Давлат Комитетида бўлган учрашувга доир хабарлар умумий гаплардан иборат. Масалан, TeliaSonera Европа ва Осиёнинг 20 давлатида иш олиб бориши, бу давлатларнинг умумий аҳолиси 460 млн эканлиги, бу ширкат Ўзбекистондаги ишини 2007 йили Ucell маркаси остида бошлагани айтилади.

Табиий, кейинчалик TeliaSonera ширкати Ўзбекистонда мустаҳкамаланиш мақсадида, президентнинг Фуҳуша лақаби билан танилган тўнғич қизи Гулнора Каримга 350 миллион АҚШ доллари миқдорида пора бериб, Россиянинг МТС шикатининг Ўзбекистондаги бўлими “Ўздунробита”ни сотиб олгани хабарларда эсга олинмайди. Ваҳоланкги, айнан шу жанжаллардан кейин Ислом Карим Россиянинг босими остида қизининг ҳамма фаолиятини тўхтатиб, ўзини уй қамоғига ташлаган эди. Айнан шундан кейин МТСга Ўзбекистонга қайтиш имкони берилди. Хўш, МТС Ўзбекистонга қайтса, унинг Ucell билан муносабатлари қандай бўлади?

Шу савол ва бўлиб ўтган жанжалли воқеаларни инобатга олиб, тахмин қилиш мумкинки, Тону Грюнберг янги шароитда қандай сиёсат олиб бориш масаласини гаплашиш учун Ўзбекистонга келган. Ҳа, гап энди сиёсатда, мобиль алоқада эмас.