12 August 2014
14:13 - Қизиқ: Миср президенти Абдул Фаттоҳ ас-Сиси расмий ташриф билан Москвага эмас, Сочига келди
Бу ташриф оддий эмас, расмий эканлигини урғулаган рус ахборот воситалари Абдул Фаттоҳ ас-Сисини бугун эрталаб Сочи аэропортида Россия Ташқи ишлар вазири Сергей Лавров кутиб олгани, улар ерда фахрий қоровул олдидан ўтганлари, икки мамлакатнинг гимнлари ижро этилганини билдиришди.

Шу кунларда Россия президенти Владимир Путин Сочида дам олаётгани туфайли Миср президенти бу ерга келгани тушунарли, аммо расмиятчилик талаблари бундай осонликча бузилаётганини тушуниш қийин.

Абдул Фаттоҳ ас-Сисини, бошқа жой қуриб қолгандек, аэропортнинг ўзидақ Россия ҳарбий техникаси намуналари билан таништиришгани ҳам қизиқ. Тўғри, Миср президенти армиядан чиққан одам, аммо бу давлат ҳеч ким билан уришаётгани, уришишни режалаштираётгани ҳам йўқ-ку.

Унинг шу ердан тўғри Путиннинг қишки олимпиада ўйинларини ўтказиш учун қурилган комплекс яқинидаги қароргиҳига кетгани эса, ғоят табиийдир.

Абдул Фаттоҳ ас-Сисининг бу расми у ҳарбий лавозимда эканлигида олинган.
« Олдинги хабар Хабарлар рўйхати Кейинги хабар »