09 August 2014
19:07 - “Ироқ Левант Исломий Давлати” номли террористлар Истанбулга ҳужум қиламиз дейишмоқда, Тошкент ҳам тайёрланаверсинми?
Тахминан 5 йил ичида Европадан Ҳиндистонгача бўлган ва Ўзбекистонни ҳам ўз ичига олган ҳудудларда Халифалик қуриш учун иш, тўғрироғи, уруш бошлаган “Ироқ Левант Исломий Давлати” (ИЛИД) номли қуролланган суннийлар гуруҳи Ироқ ва Сурияда мустаҳкамлашиб бормоқда. Ҳозир улар Ироқнинг шимолида феълан мустқаил бўлган Курдистон ўлкасини ҳам босиб олишга тайёрланмоқдалар. Бу ҳам майли, улар ўзларига қарши чиқаётган Туркияни қўрқитиб қўйиш ҳаракатига ҳам тушишди. Турк матбуоти берган хабарда айтилишича, ИЛИД Туркиядан Отатурк тўғонини очиб, ўзи ҳукмронлик қилаётган Ироқдаги ҳудудларга сув берилишини талаб қилибди. Акс ҳолда, ИЛИД Истанбулга ҳужум бошлар эмиш.

Маълумки, Ироқнинг расмий кучлари ИЛИД қаршисида кучсиз қолдилар. АҚШ Ироқ ҳукуматига ёрдам бериш учун ИЛИДнинг қуролли кучлари тўпланган ерларни ўз ҳарбий учоқлари билан бомбардимон қилишга бошлади.

Кўринишидан, АҚШ бу ишга енгини шимариб киришмаса, Бу ИЛИД деганлари яқинда Тошкентга ҳам бориб қолади.
« Олдинги хабар Хабарлар рўйхати Кейинги хабар »