06 August 2014
21:18 - Саноат ўсиши тезлиги бўйича МДҲда илғор Ўзбекистон интернет тезлиги бўйича дунёда қолоқ
Daryo.Uz деган маҳаллий нашр дунё мамлакатларида интернет тезлигини тадқиқ этадиган Speedtest.net нинг бу борадаги хулосаларини эълон қилди. Буни қарангки, саноат ўсиши-ю, иқтисодий фаровонликда гўёки энг юқори поғоналарни эгаллаб келаётган Ўзбекистон бу борада 193 мамлакат ичида 174-ўрнини эгаллабди. Бизда интернет тезлиги секундига ўртача 2,7 Мбит ни ташкил этиб, бу борада Африканинг Судан ва Габон давлатлари ўртасидан жой олибмиз. Рейтингда Қозоғистон 57-ўрин, Қирғизистон 69, Тожикистон 74-ўринларни банд этган. Биз тожиклардан ҳам 100 поғона пастда эканмиз.

Интернет тезлиги бўйича етакчи ўнталикка Литва (7-ўрин, 45,5 Мбит/секунд) кирган. Латвия 39,3 Мбит/секунд билан 12-чи ўринда. Эстония 31, Россия 35 ва Украина 36-чи ўринни эгаллаган.

Ўзбекистон фақат Интернет тезлигида эмас, Интернетдан фўйдаланишни чеклаш масаласида ҳам ҳаммадан олдинда, дейди мухбиримиз. Мана расмга қаранг. Ундаги харитада Ўзбекистон пушти рангга бўялган давлатлар, яъни Интернет ўта чекланган давлатлар ичида жой олган.
« Олдинги хабар Хабарлар рўйхати Кейинги хабар »